بنآت فرنتك وآلصروآل آلمشقوق ,

آلسلـآم عليكم دآر قوم مؤمنين ,
آلخلـآصصة آنـآ من فترتن مآهيب تسبيرة ,
كتبت قصيصة مغآمرية حبتين ,
عني آنــآآ ووحدتين من رفيقآت دربي ,
كتبتهآ بموقعن كنت مشتركة بوه ,
بعدين قلت يآ بنت آبوتس نزليهآ بغرآم منتب خآسرة شي ,

آلخلـآآصصة ععآد مدري هي بتعجبكم ولـآآ لـآآ بس آهم شي تعجبكمم -> مدري منهو آللــي قآل لهآآ آن هآلحتسي عربي ,

آنــآآ قميّر , وآلشخصيتين آلبآقيآت بتعرفونهم من هآلقصيصة ,



بنآت فرنتك وآلصروآل آلمشقوق -> قصة من آلترآث آلـآغريقي ,

مرحبا معكم قميّر , كيفكم شخبآركم ؟!
يآخي في ببآلي موضوعع دآبلن تسبدي , موضعن ودي آحتسي فيه لـآحد ,
موضعن يفشّـل , هآلموضوعع عن رحلتي لفرنتك ...
دليع مقاطعة : قصدتس رحلتنا يا مال الجفا ,
نولا بحنية : ما عليه قمير استحميلها وكملي ,
قميّر وهي تنفخ قذلتها الحرير عن جبهتها المسطحة ناصعة البياض ( تسذوب شعرهآ تسنه آسلاك وجبهتها كلها حبوب وتسنها مطب من مطبات التحلية ) : أووف تيب بكمّل -> لو سمع فيني الدلع لشق هدومه ,
: بقولكم اليوم قصة رحلتنا لفرنتك بس مانيب قايلتها كلها بقول بس قصة البسطة والصروال المشقوق ,
بدت القصة من يوم جتنا دليّع وقالت : بناااااات لحقو ابو كريم البواب شرىى لنا تذاكر ذهاب بدون اياب لفرنتك ,
قامت طالعت لها نولا وهي تنزّل جريدة آلـ (بدون ذكر آسمآء بس كلنـا فداء للوطن ) بعد ما كانت تقرا صفحة الوفيات : وخير يا طير والله اللي يشوفتس يقول انتس بتروحي لعرعر على غفلة عين ابوتس اطمري على طريق الخرج شوفي البعارين وكحلي عويناتس بهم أبرك من خشة هالشقر ,
وتوهم ينتبهون اني قاعدة معهم , كنت بقمة اناقتي لابسة دراعة خضرا مطرزة بذهبي واقرمط فصفص لين انشق برطمي ,
قميّر بدلع وصارت تسنها حلا الترك وهي تغني طفشانة : ما علي منكن دام السالفة فيها هجة بطلع من البلد حافية بس المشكلة بالقريشات وأنا وخيتس , من وين لنــا فلوص ؟!
دلع وهي تطلّع من جيب قميصها البردقاني المخيّط عليه ترتر ملونة منديل من قماش ريحته هيل : هاتس قريشات عطتني اياها جدتي هوا من يوم درت ان بخاطري اهج من الديار .
فكت المنديل وطلّعت من المنديل ريالات فكة , من يوم شافت نولا الريالات طمرت لها وخمت يدها وقامت تهذي بكلامن عجزنا نفهمه , ووجه دلع ذاب من التفلات الحمضية الطالعة من فم نولا ,
المهم ان كل وحدة منا طمرت تجهز ملابسها , وكل وحدة خيطت برقع ورحت للخياط فصلت لنا براقع بالدانتيل بس نولا رفضت قالت تبي تكشخ فزدنا على برقعها فصوص خضرا احتراما لديارنا , عباياتنا جهونانها وصراويلنا جهزناها وكل وحدة لبست شبشبها الجديد وجوالي الدمعة شحنته عشان العب فيه بالطيارة , بس اللي بط تسبدي انا ونولا ان دليّع شرت لجوالها النورس بيت جديد وربي ان قامت الدموع تتسرب من العين والخشم ,
جهزنا ملابسنا بكراتين , عاد كنت أكشخهن حاطة ملابسي بكرتون مناديل كلينكس عشان أعلم الخلايق إني بنت عز ,

إللــي صار اننا ركبنا التاكسي على المطار طوالي , وخلصنا الإجراءات بس قبل نخلصها كان موظف الجوازات الوصخ مزودها كل ما يجي يكمل اجراءاتنا تجي بنت قليلة حيا وحاطة دهانات الجزيرة بخشتها يخلص امورها قبلنا ,
حتى انه سأل نولا " التريلات على وين العزم ؟! " ,
مححد خلاه يخلّص اجرائآتنا غير شبشب نولا الورد بعد ما انتصف جبهته ,
جلسنا بالسياب عند المكيفات , يا إن عليهم مكيّف ورب البيت يخليك تنقز من الوناسة ,
ويومنا جينا نحط عفشنا عشان ندخل داخل حطو كراتيننا عشان التفتيش شوي تصرخ الكراتين ,
ععاد العسكري المليح الاشهب قال بحنية : يااا مولد نزّل كراتين هالحجات خلنا نشوف البلاوي اللي ماخذينها , تفوو على اليوم اللي توظفت فيه مفتش جوازات ,
اول كرتون فتحه لقى فيه كرتونين سجاير صغار , ونص كيلو زيت مربوط بكيس لحم وعلب بنس كثيــــــــرة ,
العسكري المليح : وععع حق مين هالكرتون ؟!
دلع بحيا وبصو يكاد ما ينسمع : أنا يا استاذ ,
العسكري المليح بقرف : يعع عاد وشوله ماخذة هالاشياء هاه وشوله ,
نولا بهمس لقميّر : تهقين يقرب لداوود الشريان ,
قميّر : ما استبعد من يوم شف طاقيته مايلة وانا كنت حاسسة ,
دلع والدموع متعلقة برموشها : ربي يوفقك ويخليك لعيالك خلني اترزق بفرنتك كود ان ربي يكتب لي ربحن سنع ,
طالع لها العسكري المليح بنظرات شفقه وجبهته متعفطة بقرف : طيب طيب لا تبلشينا ,
المهم انهم فتحو الكرتون الثاني وكان كرتون حفائظ بامبرز ولقو قمصان متغرقة بدم يوم فكوهـا لقو لحم كثيــــر , يوم شاف العسكري المليح هالمنظر ما تدارك الوضع واستفرغ , طاح من عيني صراحة ,
العسكري المليح بعد ما خلّص استفراغ : يععع وش ذا ؟!
نولا وهي منقمطة: وربي موب قصدي , بس قلت إن فرنتك ما بها لححم إسلامي فما كان ودي أجوع هناك فقلت خلني آخذ لحمنا من هنا , بس وربي مقصدي شريف ورب البيت ,
أنا مظلومة يا باشا , وربنا ما كنتش أأصد حاجة ,
العسكري المليح وهو يكلم العسكري اللي جنبه : فضي اللحم بأكياس واعتقلوه بالتوقيف ,
نولا بصياح : ربيي يوفقك ربيي يخليك يآ جعلني اشوفك معرس على آربع حريم خل اللحم ,
حزن عليها العسكري المليح ووافق بس قال : لو انمسكتو بفرنسا بتنسجنون بتهمة التهريب ,
نولا وهي تمسح دموعها بطرف شيلتها من تحت البرقع : لا تخاف لو انقفطنا بنسوي نفسنا رابح صقر ,
المهم جا دور كرتوني , ععاد العسكري المليح قام يستبثر على رآصصي ويقول : هه أجل كلينكس من زود النظافة ,
كان بودي اطمر عليه واتوطى ببطنه عديم الأخلاق بس قبصة دليع ونولا لكتفي خلتني امسك لساني ,
يوم فكو كرتوني لقو شباشب كثيرة وقمصان مكتوب عليهن " آي لوف سعودي عربية " ,
وبكلات من أبو ريالين وكيسة شمس الشموس -> اللي شارية منه البكلات ,
ععاد من نظرته المخيفة البنات انقمطوا وانا عضيت على طرف عباتي من الخوف وبانت سيقاني البراقة كنت داهنتها بفيكس بس طلع الفيكس خربان فصارت رجيلاتي ذهبية ,
العسكري المليحح بصدمة : وش ذا بعد ؟!
همست له بأذنه: خل الأمور تمشي وأعطيك شبشب هدية ,
ما وعينا إلا على صوت جاي من ورانا : خلهم يروحون يا جوهر ,
نطالع نلاقيه ذاك المليـــــــــــــــــــــح ثوبه يابس من العز تسنه مثبته بمريتو ومسوي الكوبرا وطالع تسنه مضبطها بمعلاق ملابس وزبيرته آآه من زبيريته وقصم لو أنباعع ما أجي سعرها شكله مسويها من جلد الجرابيع , وحاط فص الماس بضرسه الأبيض ,
من جماله بغى يطيح برقعي وأطيح معه ,
العسكري المليح اللي طلع إسمه جوهر : ح حآضر طال عمرك بس بس إن وش لك معهم ؟!
الرجال طويل العمر : هذول الأهل ,
نولا بروعة : نبطي نصير أهله ,
دليع من الفهاوة قبصت لسانها بمعنى انطمي ,
المهم هالعسكري من الخوف خلانا نمشي وراحوا البنات مع طويل العمر أما أنا فرحمت العسكري فطلعت شبشب من كرتوني ورحت عطيته اياه ,
ما وعيت غير على صوت الشبشب وهو يقصف ظهري , لدرجة ان مقاس الشبشب للحين طابع بظهري ,

رجعت لطاولة البنات وطويل العمر ولقيته يتكلم عن فلوصه واملاكه , وكل شوي دلع تنحني تعدّل شرّابها الأزرق وترجع تقعد , ونولا كل ثانيتين تعدّل برقعها عشان ينتبه لعيونها الذباحة وهي تسنها عيون اوباما بعزز شبابه , اللي صار ان طويل العمر سألنا وش ناكل ,
عاد نولا ودليّع ما قدرن يتكلمن من الحيا , حتى أنا بسس بطنب ما تستحي قالت بطني بصوت جهوري ناعم : أبي كيكة سعد وسن كولا أبو نص ,
ما أنكر إن نظرات طويل العمر أصابتني بالذهول وخلتني استرجع كلامي , توقعت إني قايلة ابي رجل خنزير مقرمشة , ععاد نولا من الفشلة دعست على رجلي بكعبها الفضة وهلتني أتألم بصمت -> طول حياتي أسمع هالوصف وودي مرة أستخدمه .
طويل العمر بضحكة غرور وبصوت طويلين العمر الطالع من البطن : جيب لهم كيكة شوكلت يا منير ,
ععاد جتنا كيكة الشكلاطة ورب البيت احس نحن الثلاثة لو بعنا كل بضايعنا ما نشتري الكريمة اللي عليها , بدت تتقوطر سعابيلنا وحدة ورى الثانية , ما تماكت نفسي وبديت آكلها بيدي , لين قبصتني دلع وحسيت بألم شديد وأسمعها تهمس " بالسكين يا مال الجفا بالسكين " , قمت أدوّر السكين لين لقيتها وقطعت فيها الكيكة ورجعت أكلتها بيدي , أقلها أنا أهون من نولا اللي من وصلت الكيكة طلعت شنطتها ورمت الكيكة بالشنطة عشان تاكلها بالطيارة , طويل العمر كان يطالعنا وأحسه يقول بنفسه " آنتو كفوكم نقل جماعي وتركبون بالشنطة بعد " , دلع استحت من تصرفنا فقامت ترقّع ,
دلع بترقيعة : ههههه أسلن هم متعودات ياكلون الفطاير بيدهم تواضع , التواضع حلو ,
طويل العمر بقرف وتندم : هذي كيكة كييييكة ,
دلع بترقيعة أقوى وصاروخ طاير : ههههه أدري بس كنت أمزح ,
طويل العمر يبي يغيّر الموضوع : دفعت الحساب يا منير ,
منير وهو منزّل راسه بالأرض : لا طال عمرك ,
دلع بتدارك للأمر : أنا أدفع علي الطلاق محدن يدفع غيري عندي من فلوس هوى , كم الحساب يا أنور .
يومها طلعت القماشة حقت الفلوس رد منير : الكيكة الوحدة بـ 76 ريآل طال عمرك ,
طالعت بنولا اللي من سمعت بالسعر طاح برقعها ,
دلع توهقت : ههههه بنات تعالوا ابيكن شوي ,
سحبتنا ودخلنا على رقم رحلتنا متجاهلين نداء طويل العمر ,
قميّر بدموع : كراتيننا يا بنات نسيناها ,
نولا بمرجلة وهي تدق الصدر : محدن يجيبها غيري .
مشت نولا لطويل العمر , ولين وقفت عنده قالت : ياخي آسفين بس بناخذ كراتيننا عشان نجيب لك القروش وما ودي أطلع القروش فيذا حرصاً على مشاعرك الداخلية من الانجراح الأبدي لأنك لو شفت اللي داخل الكراتين بتقلب طقاقة ,
طويل العمر وهو يشبك يدينه ويحط رجل على رجل : خذو راحتكم عادي ,
خذت نولا الكراتين وجت مدرعة لداخل الممر وما غير تدفدف بخلق الله بهالكراتين .
نولا ووهي تلهث من التعب : بنات جيت جيت وين بنروح ذلحين ؟!
دلع وهي قامطة من نظرات الخلق : سرينا سرينا على داخل جعلك يابو كريم تطلق مرتك بعد ما حطيتنا بهالموقف ,
ونحن داخلين ناظرت لنا ذيتس المضيفة , نعنبو بليسها من جسم بيضــآآآآآآ قصم لوني بالنسبة لها رمادي مخضر ,
المضيفة النظيفة برعب : اوتشش شو هيداا ؟!
دليّع بقهر مسكت شبشبها واوراق مقاعدنا : وشش اللي شو هيذا يا جعلتس بالقمل اللي يقرمطتس يا برصا , شايفتنا جايين نقتل , هاكك ذي اوراق مقاعدنا ,
المهم انها خذت اواراقنا ودلّتنا على أماكننا دليّع ونويّل جنب بعض أما أنا فكان مكاني بالنص بين رجال وزوجته طالعة تسني فنجان قهوة بينهم ,
كراتينا جلست بسيب الطيارة , وبعدين جانا مضيف مخيــــــــسس ومغروووور ويبيله ضرب بالجزمة على مشيته هآلخكري ,
المضيف الناعم : لو سمحتو خواتي هالهلاقة شيلوها من الطيارة ,
نولا بحركة خطافة طمرت ومسكت المضيف من رقبته وقامت تحركه بعنف , وهو مسكين ما يقدر يسوي ششي ,
نولا بشراسة : آفتحي آلشبآك يآ دليّع خلني آرميه وآعلمه الهلاقة على أصولها ,
دلع وهي تحاول تفك الشباك حق الطيارة : نولا فكيت الستارة بس مدري ليش الشباك ما ينفتح (وكنها تذكرت شي) إيه عندي زرادية بالشنطة أتوقع تفيد ,
طلّعت الزرادية وبغت تفك الشباك بس قبل تتهور تدخلت قوات خارجية ووقفت البنتين عند حدهم , ونقلو دلع عند الكراسي اللي عند المطبخ , وجابو جنب نولا بزر كشيخ , لبسه تحطيــــم ورب آلبيت , حسيتني جنبه زولية , المهم إن الزوج اللي كان جنبي كان يترجاني ابدل معه وأنا رافضة تماماً , وقام يدق معي بالحتسي وانا يا جبل ما يهزك ريح وطلعت فصفص من شنطتي وقمت افصفص وهو إغتاظ لدرجة إنه كان ممكن يطلّع رمح من جيب ذوبه البني واللي تحول رصاصي من الوصاخة ويقتلني فيه ,
أما نولا فحدّث ولا حرج , البزر اللي جنبها يبربر عنقليزي على راصها وهي ما غير تقول : " آوهه , آو مآيي قآد , آي نو , يس يس " وآفلقوني لو كانت فاهمة آي شي , بس مع ذلك هي مدركة اللغة بيننا تظل , لدرجة إن مرة بغت تقول للعامل اللي بمطعم ماكدونلديلوز وقآم الفلبيني يتفلسف علينـا ونحن فهينا من كلامه وقامت نولا تلطن معه عنقليزي , وفجأة تطب علينا الشرطة , أثاريها قايلتله بنفجر بالمكان .
ودليّع نظام آخر تماماً نسمع صوتها من المطبخ تهاوش المضيفات , تعلمهم كيف يسلقون الدجاجة وكيف الطريقة الأمثل لتنظيفها وما غير نسمع صوت قدور وصراخ ونشوف وحدة من المضيفات طارت من المطبخ , وصوت دلع وهي تقول : اللـــــــــــــه ياخذكن من شغالات تأكلون الخلايق خبز بصراصير يا الوصخين , وربي لا أربيكم يا عيال القطاوة .
ما علينا من اللي صار الأهم , كراتيننا للحين بسيب الطيارة اقترحت على نولا اننا نحط الكراتين تحت رجولنا ويوم عزمنا نسويها جانا الطيار بكبره قال ما ينفع يا خالات ,
هنا دلع صابتها نوبة بكاء مريرة تسنها ارملة قطعوا عليها الضمان , وقامت تتحلطم وتقول نحن للحين آنستات , نولا شبشها بشكل مفاجئ صار بجبهة الطيار , وانا من الروعة تلزقت بالزوجة اللي جنبي ,
جا الطيار المساععد وهدا الوضع وقال ان كراتيننا بتكون بمكان آمن بالطيارة , وخذو كراتيننا.
هدينا شوي ومشى الوضع أوككي , لين قالو الرجاء من السادة الركاب ربط احزمة الامان استعداداً للاقلاع , كل الخلايق ربطت حزامها وانا عاد اول مرة اركب الطيارة نقزت أشوف دلع لقيتها مثبتة نفسها بالكرسي بطرحة ريحتها بن , والمضيفة تحاول تفهمها كيف تربط الحزام , قلت ما منها رجا وحولت نظري للمزيونة نولا لقيت الورع اللي جنبها معلمها تسيف تربط الحزام , هنا ععاد تقفلت الابواب بوجهي قلبت عويناتي وصرت قطوة وناظرت للرجال اللي جنبي ( الزوج ) ,
قميّر بنظرة منكسرة : تكفى يآ آللــحية آلغآنمة تسيف آربط آلحزآم ,
الزوج الشرير : هيهيهيهيهي ما أعرف ,
قميّر بدموع : تكفى تهز ريآجيل يآ حريمة ,
الزوج الشرير : حريمة تاكلك يا شيخة ,
قميّر وهي تمسح دميعاتها : لا تجيب اسم امي على لسآنك ,
قلبت على الحرمة وخليتها تعلمني كيف اربط الحزام .
طالعت لدلع لقيتها تلعب باصرة (كوتشينة – جنجفة ) مع مضيفة فلبينية , ونولا تحتسي مع الورع , من القهر نمت .
ما وعيت غير على صوت نولا ودليع فوق راصي ,
دليّع : قوميو ولا ترى بنخليتس بالطيارة ,
نولا : هي يو يلا ويك آب ,
ارتعت ومن الروععة خميت دلع : شتقول هذي ,
دليّع بروعة أكبر : يسس يسس ,
المهم ان الطيار جاب لنا كراتيننا واخذناها ونزلنا ,
شافت نولا الورع اللي كان جنبها وراحت عنده وانا ودلع نمشي وراها وموب فاهمين شي ,
وقامت تحكي معه وقال لنا تعالو معي , ركبنا سيارته نولا ركبت قدام وأنا ودلع حطينا كراتيننا بالمقعد الخلفي وبغينا نركب بالشنطة بس منظر نولا وهي تفضخ الشبشب خلانا نفكّر من جديد بالوضع قعدنا جنب كراتيننا , ورحنا للشقق , كانت شقق تجنن تسبيــــــــــــــــرة وقدامها عامود الكهرب حقهم , يسمون الشقق آوتيل مدري هوتيل المهم ,
اننا دخلنا غرفنا وشلنا براقعنا وعباياتنا وقمنا نفصفص ونشرب شاني ,
لين جا الصبح .
عاد نحن وصلنا فرنتك على الفجر .
من صباح الله خير جهزنا بسطاتنا وفطرنا رز ولحم من ايدين نولا ولبسنا براقعنا وتكشخنا حطيت ديرما ودلع طلّعت القذلة من فوق البرقع ونولا خرمت برقعها خرمة من عند الفم عشان يبان الضرس الذهبي ,
لبسنا دراريعنا , عاد طقمنا بالدراريع كان حمرا ومنقشة بسماوي , ولبسنا تحت الدراريع صراويل طويلة بس جينز عشان نبين اننا متأقلمين مع جو فرنتك , ولبسنا شباشب جديدة وطلعنا تسننا عرايس وختفوو علينا ,
المهم أخذنا بسطتنا وتربعنا قدام برج الكهرب حقهم , ياخي ناس متحضرة يوقفون عند البرج ويتصورون يحليلهم ما درو ان عندنا لكل مواطن برج كهرب خاص فيه .
عاد بسطتنا كانت شي جميل , حاطين فيها قمصان وشباشب وبكلـآت وبنس ومشوط ملونة وزيوت شعر وكريمات ابو وردة وطراطيع وشراريب وصراويل مخيطة بكلف -> دققوآ عآلصرآويل ترآها هي اهم ابطال القصة ,
والكل يناظرنا ويتصور معنا تسننا معلم تاريخي حديث ,
المهم ان مر من عندنا ملك امريتسا بركة حسين أبو عمامة ,
دلع وهي تتفاهم مع فرنسي يبي شبشب : اسمع صديق هدا شبشب سيم سيم مقاس انتا ,
نولا وهي تنادي بركة مبارك أوباما مدري بركة أبو عمامة : اقلط يا الخال ,
قام يلطن معنا عنقليزي ويضحك , احسه يتغزل فينا ,
بس بعدين قال : نو ثنكيو ,
قميّر وهي تهمس لنولا : لا يكون مستحي مننا ,
نولا : هيه هيه صديق دونت خاف وي از اوكي قيرل ,
قمير ببرائة : ازهلها يا خال ,
شرى مننا صروال وراح.
آلمهم آننــآ بعد مآ بعنا كل بضاعتنا استانسنا بالرزق الوفير , بعنا الملابس والزيوت حقت دلع ,
تفاجأنا إننا قبل نلم بسطتنا تجمعو عندنا كل الناس اللي اشترو مننا صراويل , وقامو يهاوشونا اثر صراويلهم طلعت مشقوقة وتجيب الطفح الجلدي ,
سلكنا لهم لين جانا مبارك أبو عمامة مدري بركة آلمهم انهم قبضوا علينا وحققوا معنا وكتبونا مخالفة دولية بتهمة بيع صروال مشقوق لملك امريتسا , اخذو مننا كل قروشنا وأكلونا تبن ,

بعدها بكم أسبوع رجعنا لديارنا , سالمين . . دليّع صابها مرض نفسي , فكل ما نقول زيوت تطيح علينا مغشي عليهآ , نولا صارت نباتية وانا قدمت على حافز .
اكتشفنا ان طويل العمر طلع راعي بقالة قريبة من بيت الجدة هوى الله يحفظها , وانه للحين يدوّر علينا يبي فلوس الكيكة , الشرطي مولد اللي نزّل كراتيننا معجب بنولا وجا خطبها بس هي ما وافقت لانه مو من مستوانا ,
تمت ,


_

ملـآحظة :
آيي تشآبه بآلشخصيآت فهو من حدث آلصدفة لـآ آكثر -> من هآلتسذبة آلسقف مآل ,

شسمووهه آيهه ترى دليع بنت آوكيه مآ تدخن ولـآ تخزّن قآت ,
بس تلهط حلـآو بردقآن وتشرب عصير تفآحح , مدري من قآيل لهآ آن آلتفآحح وسكي